*-*غرايف*-*بغرير*-*ميل ترو*-* بطريقة جديدة روووووعة

[center]




لكل سيدة جزائرية طريقتها في صنع الغرايف أو البغرير أو الميل ترو سميوه كيما تحبو

كاين اللي تعمل عجينة أولا ثم تطلقها بالماء و كاين اللي تعملو في 5 د أو 10د بالروبو و كاين و كاين......

إليكم هذه الطريقة الجديدة تماما و حصريا من مطبخي المتواضع و بمقادير مختلفة قليلا






مقادير الخليط:

- كاس و نصف فرينة (دقيق)
- كاس و نصف سميد عادي
- 1 م ك سكر
-1 م ص مش مليانة ملح
- 1 م ك حليب بودرة
- 1 م ك خميرة الخبز
- 1 م ص خميرة كيميائية
- بيضة واحدة
- 2.5 إلى 3 كيسان ماء دافيء



للتزيين :

زبدة أو مرغرين ذايبة + سكر عادي أو سكر رطب أو عسل عادي أو عسل نحل او عسل النخل لك الإختيار





التحضير :

* ضعي الفرينة و السميد في وعاء و بالفوي أخلطي باش يدخلو شوية هواء
* ضفي الملح و السكر و الحليب و البيضة و اخلطي
* تكوني قد أخذت كاس ماء من الكمية المذكورة و ذوبتي فيها الخميرة نتاع الخبز و أضيفيه للمكونات السابقة مع الخلط بالفوي دائما
* ثم ضفي باقي الماء حتى تحصلي على خليط خاثر مع إضافة الخميرة اليكميائية في الأخير
** ثم أخفقي الخليط بالخفاقة الكهربائية مدة 5 د أو 10 حتان تحسي بلي الخليط أصبح متجانس
* إذا لاحظت وجود كتل صغيرة صفي الخليط في صفاية الحليب الكبيرة








* راح يكون الخليط خاثر شوية هكذا






* غطي الخليط بالبلاستيك و دعيه يختمر بدرجة حرارة الغرفة مدة 20د في الصيف و 40 د في الشتاء
* أشعلي الفرن على أقصى درجة مدة 5 د ثم أطفئيه و ادخلي الخليط ليختمر مدة 5 د في الصيف و 10د أو أكثر في الشتاء



*راح يكون هكذا




**** ملحوظة مهمة :

لا تخلطي الخليط سواء أثنا أو بعد الإختمار لأنه راح يفقد الثقوب الكبيرة التي تظهر أثناء الطهي و راح تبقالك غير الثقوب الصغيرة التي تكاد لا ترى


** خذي بالملعقة الكبيرة نتاع التسقاية من أسفل الخليط بدون ما تحركيها دائريا



* في مقلاة ساخنة لاتلتصق مدهونة بالزبدة أو المرغرين ضعي محتوى السقاية في وسط المقلاة و أديري المقلاة دائريا حتى يتوزع الخليط على شكل دائري
هكذا




** أنقصي للنار تكون متوسطة و عندما تحمار من التحت أقلبيها و دعيها مدة دقيقة واحدة ثم ضعيها في منديل لتحافظ على سخونتها







**لتقديمها و هي ساخنة أدهنيها بالزبدة الذائبة و الساخنة و رشي عليها السكر أو سخني العسل و ادهنيها بعد الزبدة بالعسل بأنواعه أنت و ذوقك

** و إذا كنت تدخرينها للتقديم في وقت لاحق سخنيها في المقلاة أولا ثم أدهنيها بالزبدة و السكر أو العسل








الخفة و البنة والثقوب الكبيرة يميمي ما نحكيلكمش



خاصة مع كاس لبن يميمي



شهية طيبة للجميع